Plantun de Prouvènço

Pèr coumpara dos planto d'encò nostre

Odontites luteus subsp. luteus & Rumex pulcher subsp. woodsii

Ardèno-jauno

Odontites luteus subsp. luteus

Orobanchaceae Scrophulariaceae

Autre noum : Pinau.

Noms en français : Odontite jaune, Euphraise jaune.

Descripcioun :
L'ardèno-jauno o pinau es uno planto que flouris en noumbre à la fin de l'estiéu. La planto èi redo, primo e proun ramado. Li fueio sou peréu primo. Se destrìo de sa cousino Odontites viscosus qu'èi pas pegouso e que fai de flour mai duberto d'ounte se vèson bèn lis estamino.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 70 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Odontites
Famiho : Orobanchaceae
Famiho classico : Scrophulariaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 5 à 8 mm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Juliet à Óutobre

Liò : Tepiero seco - Garrigo - Relarg à jòuinis aubret - Colo
Estànci : Termoumediterran à Subremediterran
Couroulougi : Éuropènco-Sud
Ref. sc. : Odontites luteus subsp. luteus (L.) Clairv., 1811

Lapas

Rumex pulcher subsp. woodsii

Polygonaceae

Àutri noum : Erbo-de-lapas, Rovinèu, Pichoun-lapas, Panadello, Paradello.

Noms en français : Patience divariquée, Oseille gracieuse.

Descripcioun :
La subsp. woodsii dóu lapas se n'en destrìo d'abord qu'a pas li fueio basalo en vióuloun, e pièi qu'a li valvo quàsi tant larjo que longo, courtamen dentado em'uno soulamen que fai de calouseta un pau grando. Es uno meno mens courènto que la subsp. pulcher ; s'atrobo pas dins tóuti li relarg. Coumpara emé la subsp. pulcher.

Usanço :
Soun li mémis usanço que la subsp. pulcher.